EXPOSICIÓN FIN DO PROXECTO

 Para rematar o noso proxecto fixemos unha exposición con todo o traballado: FEIRATUR LEIRADO

Esta foi a escusa que precisabamos para reencontrarnos na escola alumnado, familias, veciños, amigos e curiosos. Xa ía tempo que precisabamos unha pouca de caloriña humana!

Compartimos obradoiros ofertados dende os distintos países para achegarnos ás súas costumes. 

 

Aproveitamos para sacarnos algunhas fotos diante do mapa do mundo coas bandeiras que fixemos no Obradoiro de Bandeiras.

Foi unha xornada cargada de emociós e de ledicia.

MOITAS GRAZAS POLA VOSA PARTICIPACIÓN!! 

 

                               📷 ÁLBUM DE FOTOS📷

 

OBRADOIRO DE BANDEIRAS

 Xa estamos preparando a Exposición Fin do Proxecto, e tratándose de viaxes por distintos países era imprescindible confeccionar bandeiras.

Cada curso escolleu as que quería facer e comezamos o traballo.

1- Instrucións a seguir.         Lemos atentamente e comprendemos.

 

2-  Seleccionamos as teas, medimos, marcamos, cortamos, montamos e cosemos.

ARTE HAWAIANA

Con témperas, moita creatividade e algo de imaxinación, en sexto replicamos cadros de coñecidos artista hawaianos.

 

 

VER TODAS AS FOTOS

LENDAS DAS NOSAS RUTAS 🌍

Desta volta, as alumnas e os alumnos do noso cole  estiveron coñecendo e traballando coas  LENDAS das súas rutas e crearon uns audio-libros ben bonitos.

As lendas foron gravadas na radio escolar.

E este foi o resultado final.
 

2º VIAXA A HOLANDA E COÑECE A VAN GOGH

Grazas a unha nova carta de Pacho, os alumnos e alumnas de 2º viaxaron a Holanda e coñeceron a Van Gogh.

Aprenderon moitas cousas da súa vida e sobretodo da súa obra:

Informáronse sobre a súa biografía.

Pintaron un dos seus cadros máis famosos: "A noite estrelada".

Debuxaron  as súas habitacións ao estilo "Van Gogh".

A CLASE DE SEXTO SEGUE O SEU PERCORRIDO POR NORTEAMÉRICA

 

Norteamérica é, sen dúbida, un continente fascinate sobre o que realizamos novas e interesantísimas investigacións.

AUDIOLIBRO "LA VUELTA AL MUNDO EN 80 DÍAS"

 Os Axudantes da Biblioteca de 5º e 6º prepararon unha lectura do libro de Julio Verne "A volta ao mundo en 160 días" da Editorial Almadraba, adaptación de Ángel Burgas.

Primeiro houbo unha preparación da lectura e posteriormente foise gravando na radio escolar, e había unha audición diaria de 5 minutos para todo o centro.

A selección deste libro debeuse a que enlaza directamente co noso proxecto, o que sería un motivo máis para aumentar a curiosidade do alumnado lector e ouvinte.

 

CIDADÁS POLO MUNDO

Para conmemorar a celebración do día da muller, durante o mes de marzo tivemos a sorte de entrevistar a 7 mulleres e 1 home, todas elas viaxaron polo mundo e nos contaron a súa experiencia, contestando a todas as preguntas do noso alumnado.

Galería de fotos:

 Escoita as entrevistas:  

A MENSAXE SECRETA DE PACHO

Hoxe atopámonos cunha  mensaxe secreta de Pacho.  

Tivemos que descifrala buscando as palabras perdidas ao largo do circuito da milla diaria. 

Foi moi divertido!

GALERÍA DE FOTOS

XAPÓN CON ROSALÍA DE CASTRO

O alumnado de 4º, aproveitando a súa ruta por Xapón, fixeron "Haikus" que son poemas cortos de tres versos, de cinco, sete e cinco sílabas respectivamente. A súa temática versa sobre a natureza ou a vida cotiá.